“உண்டியல்கள் மூலம் எமது சங்கத்தால் சேகரிக்கப்படும் நிதி, இலங்கை வடமாகாணத்தின் சுகாதார சேவைகளுக்கு ஒதுக்கப்படுவது யாவரும் அறிந்ததே.”

---

குறிப்பாக காரைநகர் தவிர்ந்த பிற இடங்களின் மருத்துவ தேவைகளுக்கும், இவ் “உண்டியல்களால் சேகரிக்கப்படும் நிதி” செலவிடப்பட வேண்டும், எனும் நோக்கத்துடனேயே இத்திட்டம் ஆரம்பிக்கப்ட்டது.

---

கடை வியாபாரிகளான காரைநகர் மக்கள்,

தமது கடைகளில் மற்றும்

தமக்கு தெரிந்தவர்களின் கடைகளில்

இவ்வுண்டியல்களை வைத்து,

நிதியை பெருக்கி,

வடமாகாணத்திற்கான எமது சங்கத்தின் சேவையை,

பலமடங்கு பெருக்க உதவி செய்யுமாறு,

எமது சங்கம் தாழ்மையுடன் கேட்டுக்கொள்கிறது.

கல்வி வளர்ச்சி அறக்கட்டளை – கிளிநொச்சி எனும் அமைப்பு, கிளிநொச்சி வைத்திய சாலை கண்சிகிச்சை பிரிவுக்கு, விசேட சத்திர சிகிச்சை மேசை மற்றும் விசேட சத்திர சிகிச்சை கதிரை என்பவற்றை நன்கொடையாக வழங்கி உதவுமாறு கேட்டுக்கொண்டது.

---

“உண்டியல்கள் மூலம் எமது சங்கத்தால் சேமிக்கப்படும் நிதி, இலங்கை வடமாகாணத்தின் சுகாதார சேவைகளுக்கு ஒதுக்கப்படுவது யாவரும் அறிந்ததே.”

---

அதற்கமைய மேற்படி கோரிக்கையும் எமது சங்கத்தால் எடுத்து ஆளப்பட்டது.

---

மேற்குறிப்பிடப்பட்ட விசேட சத்திர சிகிச்சை மேசை மற்றும் விசேட சத்திர சிகிச்சை கதிரை என்பவற்றுக்கு, LKR 948,750 செலவாகும் என கல்வி வளர்ச்சி அறக்கட்டளை – கிளிநொச்சி எமக்கு உரிய ஆவணங்களை சமர்ப்பித்தது.

---

எமது சங்கமும் அவர்களது கோரிக்கையை ஏற்று, விசேட சத்திர சிகிச்சை மேசை மற்றும் விசேட சத்திர சிகிச்சை கதிரை என்பவற்றை வாங்க தேவையான நிதியான LKR 948,750 (£ 4,221.67) வை, 27.04.2019 அன்று, கல்வி வளர்ச்சி அறக்கட்டளை – கிளிநொச்சி இற்கு அனுப்பி வைத்தது.

கல்வி வளர்ச்சி அறக்கட்டளை – கிளிநொச்சி, பணம் பெற்றதையும் உறுதிப்படுத்தியதோடு, 09.05.2019 அன்றே உபகரணங்களை வாங்க பணம் செலுத்தியது.

---

26.05.2019 அன்று விசேட சத்திர சிகிச்சை மேசை மற்றும் விசேட சத்திர சிகிச்சை கதிரை என்பவை, கிளிநொச்சி வைத்திய சாலை, கண் சிகிச்சை பிரிவிடம் கையளிக்கப்பட்டது.

---

ஒரு சில புகைப்படங்கள் இணைக்கப்பட்டுள்ளது….

• 

• 

• 

---

இதன்மூலம் வன்னி வாழ் மக்கள், யாழ்ப்பாணம் வந்துதான் அல்லது தனியாரிடம்தான் சில கண் சத்திர சிகிச்சைகளை செய்ய வேண்டும் எனும் நிலை மாற்றி அமைக்கப்பட்டுள்ளது.

---

இறுதிப்போரில் பாதிப்புற்ற வன்னி மக்களுக்கு சேவை செய்ய கிடைத்த வாய்ப்பை நினைத்து மனநிறைவில் எமது சங்கம்.

காரைநகர் சைவமகாசபையினால் “காரைநகர் குடிநீர் தேவையை பூரணப்படுத்தும் நன்னீர் வலய மேம்பாட்டுத்திட்டம்” எனும் மழைநீர் சேகரிப்பு திட்டம் எமது சங்கத்தை நோக்கி, அனுசரணை வழங்குமாறு முன்வைக்கப்பட்டது.

---

கிளுவனை, ஆலங்கண்டடி, கிராவத்தை, கோவளம், மல்லிகை, தம்பன், நாராயணி கேணியடி ஆகிய பிரதேசங்களில் அதிகளவு நன்னீர் ஊற்றுகள் இருப்பது சைவ மகா சபையின் தரவுகளின் அடிப்படையில் உறுதிப்படுத்தப்பட்டது.

---

இப்பிரதேசங்களில் குளங்களை அமைத்தல், ஆழப்படுத்தல், அகலப்படுத்துதல், கடலுக்கு மழைநீர் சென்றடையாது தடுப்பணைகளை உருவாக்குதல் என்பன நன்னீர் இருப்பை காரைநகரில் அதிகரிக்கும் என்பது ஆராய்ந்து அறியப்பட்டது.

---

அதற்கமைய காரைநகர் கிழக்கு வலயம் மற்றும், காரைநகர் மத்தி வலயம் என இரு நன்னீர் வலயங்கள் தெரிவு செய்யப்பட்டன.

---

வலயம் 01) காரைநகர் கிழக்கு நன்னீர் வலயம்.

கிளுவனை, திக்கரை, விளானை – தம்பன் அடங்கிய காரைநகர் கிழக்கின் பரந்த பிரதேசத்தில் வற்றாத பல நன்னீர் கிணறுகளின் நீர் மட்டத்தை பாதுகாப்பது அவசியம்.

---

பிரதானமாக கிளுவனை கேணியின் நீர் குடிப்பதற்கு உகந்தது மற்றும் வற்றாதது. 3 கிராம சேவையாளர் பிரிவுகளுக்கு நன்னீர் வழங்கத்தக்க இயலுமை கொண்டது.

மாரிகாலத்தில் கிளுவனை கேணியை நோக்கிவரும் மழைநீர், அக்கேணி நிரம்பியவுடன், மேலதிகமானது கடலை வீணே சென்று அடைகின்றது.

இதைத்தடுக்க மழைநீர் ஓட்டப்பாதையில் குளங்களை உருவாக்கினால், இப்பிரதேச நன்னீர் வலயத்தை மேலும் அகலப்படுத்தி தொடர்ந்து நிலைபேறாக பேணக்கூடியதாக இருக்கும்.

---

அந்த வகையில் கிளுவனை வாய்க்காலுக்கு அருகில் உள்ள நெற்பயிர்க்காணி 22 பரப்பை சகாய விலையில் வாங்கி, அங்கே ஒரு குளம் அமைக்க ஆலோசனை தரப்பட்டது.

அதற்கு ஆகும் செலவாக LKR 789,000 சைவ மகா சபையினால் மதிப்பீடு செய்யப்பட்டு, எமது சங்க அனுசரணையையும் கோரப்பட்டது.

---

கோரப்பட்ட நிதியானது 27.04.2019 அன்று, காரைநகர் சைவமகா சபைக்கு அனுப்பி வைக்கப்பட்டது. அந்த திட்டம் காரைநகர் சைவ மகா சபையினால் மேற்கொள்ளப்பட்டு வருகிறது.

ஒரு சில படங்கள் இங்கே இணைக்கப்பட்டுள்ளது.

• 

• 

• 

• 

திட்டம் ஆரம்பித்த பின், 22 பரப்பு என்பதற்கு மேலதிகமாக 11 பரப்பும் இணைக்கப்பட கூடிய சூழ்நிலை வந்தது. ஒரு நலன்விரும்பி தாமாக முன்வந்து தனது காணியையும் இந்த குள கட்டுமானத்தில் இணைக்க இசைந்தார்.

இருந்தபோதும் தனக்கு ஒரு சகாய விலையை, பணம் கிடைக்கும்போது தந்து உறுதியை மாற்றுமாறு கேட்டுக்கொண்டார்.

அதற்கான முயற்சிகளும், குளத்தின் வேலைகளும் நடைபெறுகின்றன. எல்லா வேலைகளும் முடித்தவுடன் உரிய தரவுகள் இடப்படும்.

---

வலயம் 02) காரைநகர் மத்தி நன்னீர் வலயம்

காரைநகர் மத்தி மழைநீர் தேங்கக்கூடிய பிரதானமான பிரதேசமாக அனைவராலும் அறியப்பட்டது. குறிப்பாக சக்கலாவோடை பிரதேசம் பலகாலமாக மழைநீர் பாரியளவில் தேங்கி நிற்பது காரைநகர் மக்கள் அறிந்ததே.

---

இப்பிரதேசத்தில் காணப்பட்ட நாவடிக்குளம் சில தசாப்தங்களுக்கு முன் மூடப்பட்டுள்ளது. அதேபோன்று தரவைப் பிரதேசமாகக் காணப்பட்ட பாரிய மழைநீர் தேங்கும் பள்ளக்காணிகள் அண்மைக்காலத்தில் மண் நிரவப்பட்டு காணப்படும் நிலையும் காணப்படுகின்றது.

---

இப்பிரதேசத்தில் குளம் ஒன்றை அமைப்பதனால் சுற்றயல் பிரதேச நன்னீர்வளம் மேம்படும். எதிர்காலத்தில் அக்குளத்தின் அயலில் குடிநீர் கிணறுகளையும் அமைக்க முடியும்.

---

அதற்கமைய காரைநகர் சைவமகா சபை சிறுகாணியை (6 பரப்பு) வாங்கி, அதில் குளம் ஒன்றை அமைக்கவென திட்டம் தயாரித்தது.

அதற்கு ஆகும் செலவாக LKR 550,000 மதிப்பீடு செய்யப்பட்டு, எமது சங்கத்தின் அனுசரணையும் கோரப்பட்டது. கோரப்பட்ட நிதியானது 27.04.2019 அன்று, காரைநகர் சைவமகா சபைக்கு அனுப்பி வைக்கப்பட்டது.

---

இந்த குளம் அமைக்கும் முயற்சியில் பெரும் தடங்கல் ஏற்பட்டது. 2019 May மாதம் முதலாம் வாரத்தில், சைவமகா சபைக்கு குளம் அமைக்க காணி தருவதாக, பல மாதங்களுக்கு முன்னரே சம்மதக்கடிதம் தந்த காணி உரிமையாளரான பெண்மணிக்கு எதிராக, குறிப்பிட்ட காணியின் உரிமம் தொடர்பாக, ஊர்காவற்றுறை காவல்துறை நிலையத்தில் முறைப்பாடு செய்யப்பட்டது. அது வழக்காக மாற்றம் பெற்றது.

---

இதனால் சக்கலாவோடையில் மீண்டும்,

மழைநீரை குளமாக தங்கவைக்க மேற்கொண்ட

எமது முயற்சி தோல்வியில் முடிந்தது.

காணி உரிமையாளரோ தனக்குத்தான் அந்த காணி உரிமை என்றும், அந்த இடத்தில் குளம் வருவதை விரும்பாத சிலரால் மேற்கொள்ளப்பட்ட நடவடிக்கையே இதுவென வாதம் செய்கிறார்.

அதுவொரு பொருளாதார செயட்பாடுகள் கூடிய இடமாகவும் எம்மால் புரிந்து கொள்ளக்கூடியதாக உள்ளது.

---

காரைநகர் மக்களின் நன்னீர் தேவையை பூர்த்தி செய்ய எமது சங்கத்தால் மேற்கொள்ளப்பட்ட இந்த பாரிய முயற்சி, தோல்வியில் முடிந்தது,

காரை மக்களின் நன்னீர் தேவையை பூர்த்தி செய்ய முடியவில்லையே என கவலையை ஏற்படுத்துகிறது.

குறிப்பு : அதற்கு ஒதுக்கப்பட்ட நிதி வேறு திட்டங்களுக்கு மடைமாற்றிவிடும் வேலை நடைபெறுகிறது.

---

குறிப்பு –

இதுவொரு மண்ணால் மற்றும் குறைந்த செலவில், இயற்கையோடு ஒற்றி உருவாக்கப்பட்ட அணை. வருடாந்த பராமரிப்பு இவ்வணைக்கு தேவைப்படும். ஏனெனில் பெய்யும் மழை அணையை கரைக்கக்கூடும். மற்றும் கடலை நோக்கிவரும் மழைநீர், மண்ணையும் இழுத்து வந்து அணையின் ஆழத்தை குறைக்க கூடும். காரைநகர் சைவ மகாசபை அதற்கான பொறுப்பை ஏற்றுக்கொண்டது.

மேற்படி கல்லூரிக்கு 10 பரப்பு காணி வாங்கி கொடுப்பதற்காக, நன்கொடைகள் பல்வேறுபட்ட தரப்பினரிடம் இருந்து சேகரிக்கப்பட்டு அனுப்பி வைக்கப்பட்டது.

---

காணி கொள்வனவிற்கான நிதியாக £21,910 (LKR 48,41,005) தொகை, 26-10-2018 அன்று அனுப்பி வைக்கபப்ட்டது.

நிதி பெற்றதாக, காரைநகர் இந்துக்கல்லூரி பழைய மாணவர் சங்கம், 29-10-2018 அன்று பற்றுசீட்டு வழங்கி உறுதிப்படுத்தியது.

---

காணி கொள்வனவின்போது எடுக்கப்பட்ட ஒருசில புகைப்படங்கள்…..

• 

• 

---

காரைநகர் சைவமகா சபை மேற்கொண்ட வாரிவளவு பெரிய அடைப்பு நாச்சிமார்குளம் உருவாக்க செயல்திட்டத்தில், பிரித்தானிய காரை நலன்புரிச்சங்கம் பாரிய பங்களிப்பை வழங்கியது.

இத்திட்டத்தில் வேறுசில பிரித்தானிய வாழ் காரைநகரின் மைந்தர்களும் தமது தனிப்பட்ட பங்களிப்பை வழங்கியிருந்தார்கள்.

---

இத்திட்டத்தால்

• ஏறத்தாள 100 பரப்பில் நீர் தேக்கப்பட கூடியதாக உள்ளது.
• அமைக்கப்பட்ட குளக்கட்டுக்கள், 45 குடும்பங்கள் மாரி காலத்தில் போக்குவரத்து செய்வதற்கான பாதையாக அமைந்து விட்டது.
• ஏற்கெனவே வெள்ளப்பாதிப்புகளை ஏற்படுத்தி கடலில் வீணாக கலந்த 800 மீட்டர் நீளமான நீர்த்தேக்கத்தை அண்டிய கால்வாய் புனரமைப்பு செய்யப்பட்டது.
• நீர்த்தேக்கத்தை அண்டிய 2 கேணிகள் தூர்வாரப்பட்டது, அவையாவன கல்வந்தாழ்வு முருகன் கோவில் கேணி மற்றும் கந்தர் கேணி.

---

இந்த திட்டத்திற்கு, பிரித்தானிய காரை நலன்புரிச்சங்கத்தால், £ 4551 (LKR 10,00,120), 12-10-2018 அன்று காரைநகர் சைவமகா சபைக்கு அனுப்பி வைக்கப்பட்டது.

---

ஒரு சில புகைப்படங்கள் இணைக்கப்பட்டுள்ளன …..

---

• 

• 

அணையால் மறித்து சேமிக்கப்பட்ட, கடலை நோக்கி ஓடிவந்த மழைநீர்.

• 

• 

அமைக்கப்பட்ட அணையின் பாதுகாப்பு / பராமரிப்பு செயற்பாட்டில் உள்ளூர் மக்கள்.

---

குறிப்பு –

இதுவொரு மண்ணால் மற்றும் குறைந்த செலவில், இயற்கையோடு ஒற்றி உருவாக்கப்பட்ட அணை. வருடாந்த பராமரிப்பு இவ்வணைக்கு தேவைப்படும். ஏனெனில் பெய்யும் மழை அணையை கரைக்கக்கூடும். மற்றும் கடலை நோக்கிவரும் மழைநீர், மண்ணையும் இழுத்து வந்து அணையின் ஆழத்தை குறைக்க கூடும். காரைநகர் சைவ மகாசபை அதற்கான பொறுப்பை ஏற்றுக்கொண்டது.

காரைநகர் கிழக்கு பிரதேச மக்கள் தில்லை மயானத்தை அபிவிருத்தி செய்து தருமாறு பிரித்தானிய காரை நலன்புரிச்சங்கத்தை கேட்டுக் கொண்டதற்கு அமைவாக, பிரித்தானிய காரை நலன்புரிச்சங்கத்தின் அனுசரணையுடன் காரைநகர் பிரதேச சபை அபிவிருத்தி பணிகளை நிறைவேற்றி உள்ளது.

---

இரு உடல்கள் ஒரே நேரத்தில் தகனம் செய்யக்கூடிய தளம் அமைக்கப்பட்டு, எரி கொட்டகை போடப்பட்டுள்ளது. கடந்த காலங்களில் சமதளம் அற்ற நிலையில் காணப்பட்ட மயானம் மண் நிரப்பப்பட்டு சமதரையாக செப்பனிடப்பட்டுள்ளது. இறுதிக் கிரியைகளை வசதியாக மேற்கொள்ளவும், அதிக எண்ணிக்கையிலான மக்கள் இறுதி கிரியைகள் நடைபெறும் இடத்தில் நின்று கலந்து கொள்ளவும், வாகனங்கள் தரித்து நிற்பதற்கும் ஏற்பாடுகள் செய்யப்பட்டுள்ளது.

---

அடித்தளம் அமைக்கப்பட்டு 100 மீற்றர் நீளமுள்ள 3 அடி உயரமான கட்டுமானத்தின் மூலம் மயானம் எல்லைப்படுத்தப்பட்டுள்ளது. பழுதடைந்த நிலையில் இருந்த கிணறு திருத்தம் செய்யப்பட்டுள்ளது.

---

இதற்காக £ 10,000 (LKR 21,38,000) நிதியை, பிரித்தானிய காரை நலன்புரிச்சங்கம் 18.08.2018 அன்று, அனுப்பி வைத்துள்ளது. செயற்திட்டமும் இனிதே நிறைவு செய்யப்பட்டுள்ளது.

---

ஒரு சில புகைப்படங்கள் இணைக்கப்பட்டுள்ளது.

---

• 

• 

• 

• 

ஏற்கெனவே பிரசுரித்திருக்க வேண்டும், சில தடங்கல்களால் முடியவில்லை, அதற்காக வருந்துகிறோம்.

• 

• 

• 

• 

• 

• 

• 

• 

• 

• 

• 

• 

• 

• 

• 

• 

ஏற்கெனவே பிரசுரித்திருக்க வேண்டும், சில தடங்கல்களால் முடியவில்லை, அதற்காக வருந்துகிறோம்.