KWS(UK) Projects
TOTAL= £238,764

Year            Fund Provided

    2016                  £29,704
    2015                  £8,250
      2014                  £22,020
        2013                  £16,305
          2012                  £6,175
            2011                  £13,150
              2010                  £63,100
                2009                  £3,700
                  2008                  £4,000
                    2007                  £3,000
                      2006                  £6,200
                        2005                  £19,000
                          2004                  £4,800
                            2003                  £3,000
                              2002                  £3,500
                                2001                  £6,000
                                  2000                  £4,650
                                    1999                  £15,260
                                      1998                  £1,500
                                        1996                  £1,000
                                          1995                  £500
                                            1994                  £3,950
                                              =================
                                                TOTAL     =      £238,764
                                                  =================

                                                  Karainagar in 2040

Recent Comments

    Membership

    Coming soon....

    General

    வருடாந்த பொதுக்கூட்டம் 25.09.2021


    அன்பின் பிரித்தானிய காரை நலன்புரிச்சங்க அங்கத்தவர்களே,


    எமது வருடாந்த பொதுக்கூட்டம் தொடர்பாக, எம்மால் தங்களுக்கு அனுப்பப்பட்ட கடிதத்தை மீண்டும் இங்கே இணைக்கிறோம்.



    எமது சங்கத்தின் யாப்பில் மேற்கொள்ளப்பட்ட சீர்திருத்தங்கள் (14.08.2021 திகதியிடப்பட்ட எமது கடிதத்திற்கு அமைவாக) மற்றும் பழைய யாப்பின் ஏற்பாடுகள் என்பன இந்த வருடாந்த பொதுக்கூட்டத்தில் முறையாக நடைமுறைப்படுத்தப்படும்.


    முக்கியமான ஒழுங்கு நடவடிக்கைகளை இவ்விடத்தில் விபரித்து அங்கத்தவர்களின் குழப்பத்தை தவிர்க்க முயல்கிறோம்.

    • 29.08.2021 முன் தமது அங்கத்துவத்தை உறுதி செய்தவர்கள் மட்டுமே இந்த வருடாந்த பொதுக்கூட்டத்தில் பங்குபற்ற முடியும். தங்கள் அங்கத்துவத்தை உறுதிப்படுத்த தங்களுக்கு அங்கத்துவ இலக்கம் தரப்பட்டு இருக்கும். மேலும் தங்களுக்கு வருடாந்த பொதுக்கூட்டத்திற்கான அழைப்பிதழ் எம்மால் அனுப்பப்பட்டு தங்கள் அங்கத்துவத்தை உறுதிப்படுத்தி இருப்போம். யாராவது அங்கத்துவ பணம் செலுத்தியிருந்தும் தங்களுக்கு அழைப்பிதழ் வரவில்லையாயின் உடனடியாக info@karainagar.org எனும் மின்னஞ்சல் முகவரிக்கு உரிய விபரங்களுடன் தொடர்பு கொள்க.

    • மேலும் நீங்கள் அங்கத்தவர் என்பதை உறுதிப்படுத்த, தங்கள் அடையாளத்தை உறுதிப்படுத்தும் ஆவணத்துடன் வருகைதந்து ஒத்துழைப்பு நல்குமாறு கேட்டுக்கொள்கிறோம்.

    • தாங்கள் அறங்காவலாராக இந்த சங்கத்தில் இணைந்து பணியாற்ற விருப்பினால் அதற்கான தகுதிகளை நிறைவு செய்து, அன்றைய தினம் சமூகமளித்திருக்கும் அங்கத்தவர்களால் தெரிவு செய்யப்படவேண்டும்.

    அறங்காவலருக்கான தகுதிகள் பின்வருமாறு



    1) விண்ணப்பதாரி 26.09.2020 இற்கு முன்பிருந்தே, எமது சங்க அங்கத்தவத்தை பெற்றிருக்க வேண்டும்.


    2) தங்களை ஒரு அறங்காவலராக Charity Commission (UK) இல் பதிவு செய்ய, அறங்காவலர் பத்திரத்தை பூர்த்தி செய்து, கையொப்பமிட்டு தெரிவுக்குழுவிடம் சமர்ப்பித்திருக்க வேண்டும்.


    3) அறங்காவலருக்கான விண்ணப்படிவத்தை 18.09.2021 இற்கு முன்னர் elect4kws@gmail.com எனும் மின்னஞ்சல் முகவரிக்கு அனுப்பி வைக்க வேண்டும். 18.09.2021 இற்கு முன்னர் elect4kws@gmail.com எனும் மின்னஞ்சல் முகவரிக்கு விண்ணப்பித்தவர்கள் மட்டுமே தெரிவுக்குழுவால் கவனத்தில் எடுத்துக்கொள்ளப்படுவார்கள்.


    4) ஒரு அங்கத்தவர் ஒரு பதவிக்கு மட்டுமே விண்ணப்பிக்க முடியும்.


    5) உரிய விண்ணப்ப படிவத்தை சமர்பித்தவர்கள் மட்டுமே தெரிவு செய்யப்படுவார்கள்.


    அறங்காவலர் பதவிக்கான விண்ணப்படிவம் இங்கே இணைக்கப்பட்டுள்ளது.

    அறங்காவலர் படிவம் (Trustee Form) இங்கே இணைக்கப்பட்டுள்ளது.


    • தெரிவுக்குழு என்பது ஒரு போசகரையும், ஒரு தன்னார்வல அங்கத்தவரையும் கொண்ட இருநபர் ஆணையம் ஆகும். அவர்களை elect4kws@gmail.com எனும் மின்னஞ்சல் முகவரியில் தொடர்பு கொள்ளலாம்.

    • தேவைப்படுமிடத்து இரகசிய வாக்கெடுப்பு முறைமை அமுல்படுத்தப்படும்.

    மேலதிக தகவல்களுக்கு எம்மை info@karainagar.org எனும் மின்னஞ்சல் முகவரியில் தொடர்பு கொள்க.


    எமது சங்கத்தின் வருடாந்த கூட்டத்தை அமைதியாகவும், முறையாகவும் நடாத்த தங்களின் பூரண ஒத்துழைப்பு அவசியம்.


    நன்றி


    செயலாளர்

    காரை நலன்புரிச்சங்கம்,

    பிரித்தானியா

    கொரனா நிவாரணம் பகுதி 2

    கொரனா (Covid 19) எனும் பெரும்தொற்று காரணமாக உலகெங்கிலும் உள்ள மக்கள் பல்வேறுபட்ட பிரச்சனைகளை எதிர்நோக்கி வருவது யாவரும் அறிந்ததே.


    காரைநகரில் வாழும் மக்களும் இப்பெரும்தொற்றால் பல்வேறு பிரச்சனைகளை எதிநோக்கி வருகிறார்கள். காரைநகருக்கு சேவையாற்றவென உருவாக்கப்பட்ட எமது சங்கம் தன்னாலான உதவிகளை செய்ய முடிவெடுத்து முதலாம் கட்டத்தை கடந்த வருடம் (2020) எல்லா மக்களுக்குமென வழங்கியிருந்தது.


    அதன் இரண்டாம் கட்ட நிவாரணமாக பொருளாதாரத்தில் பின்தங்கிவாழும் மக்களுக்கு வழங்க எமது நிர்வாகம் தீர்மானித்தது. பொருளாதாரத்தில் பின்தங்கியோரின் தரவுகளை தந்து உதவுமாறு காரைநகர் பிரதேச செயலாளரிடம் (DS) கோரிக்கை ஒன்றை வைத்தோம்.


    காரைநகர் பிரதேச செயலாளர் (DS) காரைநகரில் உள்ள கிராம சேவையாளர்கள் ஊடாக தரவுகளை திரட்டி 408 குடும்பங்களிற்கு நிவாரண உதவி வழங்குமாறு எமக்கு கோரிக்கை வைத்தார்.

    பிரதேச செயலாளரினால் வழங்கப்பட்ட 408 குடும்பங்கள் கிராம சேவையாளர் பிரிவு வாரியாக. இதில் விடுபட்ட பிரிவுகளுக்கு ஏற்கெனவே பல்வேறுபட்ட தரப்பினரால் நிவாரணங்கள் வழங்கப்பட்டதால், அப்படியான பிரதேசங்கள் இந்த பட்டியலில் சேர்க்கப்படவில்லை.

    குறிப்பிடப்பட்ட குடும்பங்களுக்கு முத்திரை/கைசாத்துக்களை வழங்கி அவற்றை காரைநகர் பலநோக்கு சங்க கிளைகளில் அத்தியாவசிய பொருட்களை பெற பாவிக்கும் ஒரு திட்டத்தை வகுத்து நடைமுறைப்படுத்தினோம். ஒவ்வொரு கிராமசேவையாளரிடமும் முத்திரையினை மக்களிடையே பங்கிடும் பொறுப்பினை வழங்கினோம்.

    • எங்கும் காணப்படும் கொரானா சூழ்நிலை காரணமாக பயனாளிகளை சந்திக்கும் முயற்சியில் நாம் இறங்கவில்லை. ஆனால் பயனாளிகளை உரிய நிவாரணம் போய்சேரும் வகையில் கடுமையான கட்டுப்பாடுகளை கொண்ட திட்டத்தினை நடைமுறைப்படுத்தினோம்.
    • குடும்பங்களிற்கான நிவாரண தொகை குடும்ப அங்கத்தவர்களின் எண்ணிக்கைக்கு ஏற்ப மாறுபடும். ஆரம்ப தொகையாக 2,500 வும் உச்ச தொகையாக 5,500 வும் முடிவு செய்யப்பட்டு, உரியவர்களுக்கு ஒதுக்கப்பட்ட முத்திரைகள் போய்சேரும் முறையில் வடிவமைக்கப்பட்டது. மொத்த நிவாரண பெறுமதி 1.7 மில்லியன் ரூபா ஆகும்.

    J /44 (காரைநகர் தெற்கு) கிராம சேவையாளரிடம் முத்திரைகளை கையளித்தபோது.
    J /45 (காரைநகர் தென்மேற்கு) கிராம சேவையாளரிடம் முத்திரைகளை கையளித்தபோது.
    J /40 (காரைநகர் மேற்கு) கிராம சேவையாளரிடம் முத்திரைகளை கையளித்தபோது.
    J /46 (காரைநகர் வடக்கு) கிராம சேவையாளரிடம் முத்திரைகளை கையளித்தபோது.
    காரைநகர் பலநோக்கு கூட்டுறவுச்சங்க பொது முகாமையாளருடன் நிவாரண பொருட்களை பகிர்ந்தளிப்பு தொடர்பான கூட்டு ஒப்பந்தத்திற்கு வந்தபோது. அருகில் கணக்காளரும் காணப்படுகிறார்.

    குறித்த கிராம சேவையாளர் பிரிவுகளுக்கு அண்மித்த காரைநகர் பலநோக்கு கூட்டுறவுச்சங்க கிளைகளினால், முத்திரப்பெறுமதிக்கான நிவாரணப்பொருட்கள் 05.08.2021 இலிருந்து வழங்கப்பட்டு வருகிறது. (கொரானா சூழ்நிலை காரணமாக மட்டுப்படுத்தப்பட்ட நபர்கள் எனும் அடிப்படையில் நிவாரண பொருட்கள் வழங்கப்படுகிறது.)


    மக்கள் சேவையே மகேசன் சேவை.

    கண்ணீர் அஞ்சலி


    கண்ணீர் அஞ்சலி

    கண்ணீர் அஞ்சலி

    கல்வியாலஞ்சலி

    கல்வியாலஞ்சலி

    கண்ணீர் அஞ்சலி


    அமரர் கந்தசாமி சண்முகம்பிள்ளை


                                             மறைவு : 05.12.2020


    பிரித்தானிய காரை நலன்புரிச்சங்க அனுசரணையாளரும், எமது சங்க உறுப்பினராக இருந்த திருமதி உமாதேவியின் அன்புக்கணவரும் ஆன கந்தசாமி சண்முகம்பிள்ளை 05-12-2020 அன்று இறைவனடி சேர்ந்தார்.


    அன்னாரின் பிரிவால் வாடும் குடும்பத்தினர், உறவினர்கள் மற்றும் நண்பர்களுக்கு எமது ஆழ்ந்த அனுதாபத்தை தெரிவித்து கொள்வதோடு, அன்னாரின் ஆத்மா சாந்தியடைய எல்லாம் வல்ல ஈழத்து சிதம்பர ஈசனை வேண்டுகிறோம்.


    துயரில் பங்கெடுக்கும்


    பிரித்தானிய காரை நலன்புரிச்சங்கம் (KWS (UK))


    வீட்டு முகவரி: 81B, Carlyon Avenue, HA2 8SN.

    தொடர்புகளுக்கு :

    07414866585 or 07474177437
    மகன் தர்மா : 07414866585
    மனைவி உமாதேவி : 07474177437

    மகப்பேற்று சேவைக்கு தயாராகியது வலந்தலை வைத்தியசாலை

    நீண்டகாலமாக திருத்தப்படாமல் பாவனையில் இல்லாமல் இருந்த வலந்தலை வைத்தியசாலையின் மகப்பேற்று பிரிவு பாவனைக்கு கொண்டு வரப்பட்டுள்ளது.


    வலந்தலை வைத்தியசாலை சாதாரண பிரசவங்கள் மேற்கொள்ளத்தக்க நிலைக்கு கொண்டுவரப்பட்டுள்ளது.


    அதுவும் கொரனா (COVID 19) எனும் கொடிய நோய் பரவி, அந்தந்த பிரதேசங்களுக்குள்ளேயே மக்கள் முடக்கப்படும் நிலையில், சாதாரணமான சிக்கல் இல்லாத பிரசவங்களினை காரைநகருக்குள்ளேயே மேற்கொள்ளத்தக்க சாதகமான சூழ்நிலை உருவாகி இருக்கிறது.


    மகப்பேற்று விடுதியின் தாய்மார்கள் பயன்படுத்தும் குளியலறை, மலசல கூடம் என்பன புனரமைக்கப்பட்டதுடன் விடுதியின் ஓர் பகுதி வர்ணமும் தீட்டப்பட்டும் வைத்தியர் அறை ஒன்றும் புனரமைப்பும் செய்யப்பட்டுள்ளது. இந்த திருத்த வேலைகளுக்காக 300,000 ரூபா செலவு செய்யப்பட்டுள்ளது.



    மேலும் தாயின் கருப்பையிலுள்ள சிசுவின் இதயத்துடிப்பு வரைபை அறியும் கருவி (CTG) ஒன்றும் எமது சங்கத்தினால் கொள்வனவு செய்து கொடுக்கப்பட்டுள்ளது. இந்த கருவியின் பெறுமதி 325,000 ரூபா.



    மேற்படி மகப்பேற்று விடுதியை பயன்பாட்டுக்கு கொண்டுவருவதற்காக எமக்கு கோரிக்கை அனுப்பி எம்முடன் சேர்ந்து ஒத்துழைப்பு வழங்கிய பிரதேச வைத்திய அதிகாரி வைத்தியர் விமலினி (D M O) மற்றும் பிரதேச சுகாதார வைத்திய அதிகாரி வைத்தியர் நந்தகுமார் (M H O) ஆகியோருக்கு எமது மனமார்ந்த நன்றியினையும், வாழ்த்துக்குகளையும் தெரிவித்துக் கொள்கிறோம்.


    அதேநேரம் ஒவ்வொரு வாரமும் புதன்கிழமைகளில் யாழ். போதனா வைத்தியசாலை மகப்பேற்று நிபுணர் வைத்தியர் சரவணபவா வைத்தியசாலைக்கு விஜயம் செய்து கர்ப்பவதிகளை பார்வையிட்டு வருகிறார். வைத்தியர் சரவணபவா அவர்களுக்கும், காரைநகர் மக்களின் சார்பில் எமது மனமார்ந்த நன்றியை தெரிவித்து கொள்கிறோம்.


    மற்றும் காரைநகர் மைந்தன் திரு.சுப்பிரமணியம் கதிர்காமநாதனின் மற்றுமோர் உன்னதமான பணியில் அடுத்த அங்கமாக பிரதேச வைத்தியசாலைக்கு Ultra Sound Scan ஒன்று 28 லட்சம் ரூபா பெறுமதியில் வழங்கப்பட்டுள்ளமையையும் இவ்விடத்தில் நினைவு படுத்துகிறோம். அவ்வியந்திரமும் இந்த மகப்பேற்று விடுதியில் அமையப் பெற்றிருக்கிறது.


    பிற திருத்த வேலைகளை மேற்கொண்ட சமூக நலன்விரும்பிகளுக்கும் எமது நன்றியினை தெரிவித்து கொள்கிறோம்.


    எமது சங்கத்தினால் திருத்த வேலைகள் செய்யப்படமுதல், காரைநகர் வலந்தலை வைத்தியசாலையின் மகப்பேற்று பிரிவின் நிலவரத்தை கீழ்வரும் புகைப்படங்களில் காணலாம்.

    மழைநீர் சேகரிப்பு….

    எமது ஊரில் நன்னீர் பிரச்சனை என்பது நெடுநாளைய பிரச்சனை. இதில் முக்கியமாக எமது காரைநகர் மழைநீரை மட்டுமே நம்பியே தமது நன்னீர் தேவையை நிறைவு செய்திருந்தது.


    ஆனால் காலப்போக்கில், காரைநகர் மக்களுக்கு நன்னீர் போதுமானதாக இல்லை எனும் நிலை வந்திருக்கிறது. இதற்கு பிரதானமாக எமது காரைநகரில் மழைநீர் உரிய முறையில் சேமிக்கப்படவில்லை.


    எனவே காரைநகர் மக்கள் மழைநீரை சேகரிக்கத்தக்க பல்வேறு வழிமுறைகளை கண்டறிந்து, இயலுமானவரை மழைநீரை சேமிக்க முயலவேண்டும்.


    மழைநீரை பல்வேறு வழிமுறைகளில் நாம் சேமிக்கலாம். யார் மழைநீரை சேமிக்க முயல்கிறார் என்பதை பொறுத்து அது வேறுபடலாம்.


    தனிப்பட்டோரினால் மேற்கொள்ளத்தக்க மழைநீர் சேகரிப்பு முறைகள்


    • கூரையில் விழும் மழைநீரை குழாய்மூலம் சேகரித்து நிலத்தின் கீழ் செலுத்துவது.

    பின்வரும் புகைப்படம் அதை விளங்கப்படுத்தலாம்.

    கூடிய செலவை ஏற்படுத்த கூடியது
    • இந்த திட்டம் இலகுவானதாக தெரிந்தாலும் பல்வேறு குறைபாடுகளை கொண்ட முறைமையாகும். குறிப்பாக காரைநகர் போன்ற அடிக்கடி மழைவீழ்ச்சியை சந்திக்காத கிராமங்களுக்கு இது பெரிதும் பயன்கொடுக்குமா என்பது கேள்விக்குறியே.
    • கொழும்பு, சென்னை, டெல்லி, லண்டன் போன்ற மிக நெருக்கமாக மக்கள் வாழும் பகுதிகளுக்கே இது செலவழிக்கும் பணத்திற்கு ஏற்ற பயனை தரும் என கூறலாம். ஏனெனில் மிக நெருக்கமான அமைக்கப்பட்ட வீடுகள், மழையாக பொழியும் பெரும்பாலான மழைநீரை ஏந்தி குழாய்வழியே கிடங்கினுள் இறக்கி சேமிக்க உதவியாக இருக்கும்.
    • கூடியளவு செலவு. நகரத்திற்கு ஏற்ற வழிமுறை எனும்போதே இது கிராமத்திற்கு அவ்வளவு தூரம் உதவியை வழங்கிட போவதில்லை என புரிந்து விடுகிறது. கிராமத்தில் உள்ள பணம் படைத்தவர்களும், வெளிநாட்டு உதவி கிடைப்பவர்களுமே இந்த முறையில் நீரை சேர்க்க முடியும். (ஒரு சில வெளிநாடு வாழ் தனிப்பட்டவர்கள், இதற்கான நிதியை சேர்த்து வழங்க இருப்பதாக தகவல்கள் உண்டு).
    • காரைநகரில் உள்ள எல்லா வீடுகளும், இந்த திட்டத்திற்கு ஒத்துவரத்தக்க வசதியான கூரையை உடையவையா என்பது பெரிய கேள்வி.
    • செய்யும் செலவுக்கு ஏற்ற அளவில் பலன் கிடைப்பதில்லை, இந்த திட்டத்தால் கிராமங்களில். கிராமங்களில் பெரிய பரப்புகளில் வளவுகளும், சிறிய அளவிலான பரப்பை உடைய ஓடுகளுமே உள்ளது. இந்த நிலையில் இந்த முறையில் மழைநீரை சேமிக்க முற்படும் நீரைவிட, இந்த முறையில் சேமிக்க முடியாத அளவில் உள்ள மழைநீரே பெருமளவில் உள்ளது.
    • மேற்கூறிய குறைபாடுகளால் இந்த முறையில் மழைநீரை சேர்ப்பது பணம் படைத்தவர்களுக்கே சாத்தியப்படுவதால், ஒட்டு மொத்த கிராமத்திற்கும் உகந்ததாக ஆவண செய்ய முடியாமல் உள்ளது.

    • வீட்டு வளவினுள் விழும் மழைநீரை வளவினுள் உள்ளேயே ஒரு குழியை உருவாக்கி, மழைநீரை சேகரிக்கலாம்.

    மேற்கூறிய திட்டத்தில் உள்ள குறைபாடுகளை நிவர்த்தி செய்ய, மழைநீரை ஏந்தி சேமிக்க தயாராகவுள்ள பரப்பளவை கூட்டி, தனிப்பட்டவர்கள் தங்கள் வளவினுள் மழைநீரை சேமிக்கும் இந்த திட்டம் ஆவண செய்யலாம்.

    வளவின் சுற்று எல்லைகளை உயர்த்தி, வளவின் உள்ளே மழையாக பெய்யும் மழைநீரை சேமிக்கும் முறையாக இந்த முறை கூறப்படுகிறது.

    வளவின் பள்ளமான பகுதியில் ஒரு குழியை ஏற்படுத்தி விட்டால், அது மழைநீரை மிகவேகமாக நிலத்தின் உள்ளே கொண்டுசெல்ல வழிசமைக்கும்.

    அந்த குழிகளுக்கு உரிய மூடிகள் அமைக்கப்படவேண்டும். ஏனெனில் அது தேவையற்ற விபத்துகளை தவிர்க்க உதவும். மற்றும் நுளம்பு பெருக்கத்தில் இருந்தும் பாதுகாப்பை வழங்கும்.

    வளவினுள் உள்ள, மழைநீரை உள்ளே செலுத்த தக்க கிடங்குகள். பாதுகாப்பான மூடியையும் கவனிக்க.
    தொடர்மாடி குடியிருப்பில் கூட இந்த முறையை பயன்படுத்தி இருக்கிறார்கள். வீட்டு வளவு முழுவதும் சீமெந்து போடுபவர்களும் இந்த முறையை பயன்படுத்தி, மழைநீரை நிலத்தின் கீழே செல்ல வழி செய்யலாம்.

    வீட்டு வளவு எல்லையின் உள்ளே பள்ளமான பகுதியில் ஒரு குழியை உருவாக்கி, மேற்கூறிய முறையில் குழிக்கு மூடியை உருவாக்கி பெரிதாக குப்பைகள் சேராத மழைநீரை நிலத்தடியில் சேமிக்கலாம்.

    • நிலத்தின் கீழே செலுத்தும் மழைநீரில் கலந்துள்ள குப்பைகள் அகற்றப்படவேண்டும்.

    மேற்கூறிய திட்டங்கள் தனிப்பட்டவர்கள், தங்கள் வீடுகளில் செய்யக்கூடிய முறைகள் ஆகும். தனிப்பட்டவர்கள் என்பது தாண்டி, பாடசாலைகள், நிறுவனங்கள் தங்களுக்குரிய வளவுகளில்/காணிகளில் இப்படியான செயல்பாடுகளை செய்ய முன்வரலாம். அப்படியானவர்கள் இந்த திட்டங்களுக்கு ஏற்படும் செலவையும், அதனால் வரத்தக்க பலனையும் கருத்தில்கொண்டு முடிவு செய்ய வேண்டும்.


    நிறுவனங்களால் மேற்கொள்ளத்தக்க மழைநீர் சேகரிப்பு முறைகள் : பெரிய அளவில், எல்லோருக்கும் பொதுவாக


    • இதுவரை நாம் தனிப்பட்டவர்களுக்கு பெரும்பாலும் பயன் அளிக்க தக்கதான முறைகளை பார்த்தோம்.
    • பல குடிகளுக்கு பயன்தரக்கூடிய திட்டங்களையும் நாம் ஆராயவேண்டும்.
    • எம்போன்ற அமைப்புகள் பொது பயன்பாட்டிற்கு உதவத்தக்க திட்டங்களையே இனம்கண்டு, நடைமுறைப்படுத்தலாம்.
    • எமது சங்கம் இப்படியான திட்டங்களை காலம் காலமாக செய்து வருகிறது.
    • – பொது கிணறுகளை அமைத்தல், புனரமைத்தல்
    • – கோவில் கேணிகளை புனரமைத்தல்
    • – பழுதடைந்த மழைநீர் சேகரிப்பு குளங்களை புனரமைத்தல்
    • – அணைகளையும், குளங்களையும் அமைத்தல்

    • அணைகளை உருவாக்கி அதன்மூலம் மழைநீரை சேகரித்து வைத்தல்

    எமது சங்கம் பல அணைகளை காரைநகரில் கட்டி மழைநீர் சேகரிப்பில் ஈடுபட்டு வருகிறது.

    கள்ளந்தாழ்வு அணை
    கிளுவனை அணை

    மழைநீரை சேமிக்கவென அமைக்கப்படும் அணைகளும், குளங்களும் காரைநகரின் நில அமைப்பையும், கடல் மட்டத்தில் இருந்து எவ்வளவு உயரம் என்பதையும் மேலும் மழைநீர் வழிந்தோடும் கால்வாய்கள் மற்றும் மழைநீர் தடங்களை அடிப்படையாக கொண்டே அமைக்கப்படவேண்டும்.


    காரைநகரின் கடல் மட்டத்தில் இருந்துள்ள உயரத்தை பின்வரும் வரைபடத்தில் இருந்து அடையாளம் காணலாம்.

    https://en-in.topographic-map.com/maps/2szp/Karainagar/


    காரைநகரின் மழைநீர் வடிகால் அமைப்பு பற்றிய தரவு சேகரிக்கப்படுகிறது. அவை கிடைத்தவுடன் இங்கே பிரசுரிக்கப்படும்.


    • தெருவில் வழிந்தோடும் மழைநீரை சேகரித்தல்

    காரைநகருக்கு நாம் செல்லும்போது, மழை பெய்துகொண்டிருந்தால், பெருமளவு மழைநீர் வீதி வழியே ஓடிக்கொண்டு இருப்பதை அவதானித்து இருப்பீர்கள். அந்த மழைநீர் தெருவழியே ஓடி,

    • அங்கங்கே தேங்கி தெருக்களை பழுதாக்குகிறது
    • அங்கங்கே தேங்கி நுளம்பு பெருக்கத்திற்கு உதவுகிறது (நம்மூரில் கொசுதொல்லை பெரும்தொல்லை என்பது யாவரும் அறிந்ததே)
    • சிதறி சிதறி நின்று ஆவியாகிறது
    • அணைகளுக்கும், குளங்களுக்கும் முழுமையாக சென்றடையாமல் வீணாகிறது
    • திடீரென வெள்ளம் சேர்ந்து அணைகளுக்கும் தேவையற்ற பல்வேறு அழுத்தத்தை கொடுக்கலாம்.
    • இதனால் பெருமளவு மழைநீர், எமக்கு பயன்கொடுத்திருக்கக்கூடியது, ஆனால் கடலில் சென்று கலந்து விடுகிறது.

    என பல காரணிகளை கருத்தில் கொண்டு, தெருவில் ஓடும் மழைநீரை ஆங்காங்கே சேமிக்க முயலலாம் என ஆராயப்படுகிறது. அதற்காக “தெருவோர மழைநீர் சேகரிப்பு ” (Roadside Rainwater Harvesting) எனும் முறையை காரைநகருக்கு கொண்டுவரலாம் என எண்ணுகிறோம்.


    இது மேலைநாடுகளிலும், சிங்கப்பூர், இந்தியா போன்ற நாடுகளிலும் மக்கள் நெருக்கமாக இருக்கும் பகுதிகளில் மேற்கொள்ளத்தக்க வழிமுறையாகவும் இந்த தெருவில் ஓடும் மழைநீரை சேகரிக்கும் முறை உள்ளது.


    எமது காரைநகரிலும் மழைநீர் தேங்கக்கூடிய பகுதிகளில் மக்கள் நெருக்கமாக வாழத்தொடங்கி விட்டார்கள். எனவே அணைகளையோ, கேணிகளையோ அவ்விடங்களில் அமைத்தல் சாத்தியமான ஒன்றாக புலப்படவில்லை.


    எனவே தெருவில் வழிந்தோடி கடலை நோக்கி ஓடும் மழைநீரை ஆங்காங்கே நிலத்தினுள் இறக்கிவிடத்தக்க வகையில் கட்டமைப்புகள் உருவாக்கப்படவேண்டும்.

    தெருக்கால்வாயில் ஓடும் நீரை நிலத்தினுள் இறக்குவது.
    மழைநீர் வழிந்தோடும் பகுதிகளில், குழாய்களை புதைத்தல்.
    இதுவும் மழைநீரை உள்ளே இறக்க அமைக்கப்பட்டது.
    உதாரணம்
    குழியை பிறிதொரு இடத்திலும் வைக்கலாம்.
    தெருவில் ஓடும் மழைநீரை சேகரிக்கும் புள்ளிகளை உருவாக்கி பெறப்படும் மழைநீரை, பிறிதொரு இடத்தில் அமைக்கப்படும் மழைநீர் சேகரிப்பு தொட்டியில் நீரை சேகரிக்கலாம்.
    பல்வேறு மழைநீர் சேகரிக்கும் புள்ளிகளுக்கு ஒரு பாரிய பொது தொட்டியை அமைத்தும் சேகரிக்கலாம்.
    சிறுவிளக்க படம்
    இப்படியான முறையிலும் உள்ளே இறக்கலாம்.

    • மழைநீரை சேகரிக்கும்போது, இயலுமானவரை வடிகட்ட வேண்டும். பிரதானமாக தேவையற்ற குப்பைகள் நீர் சேகரிக்கும் செல்வது திட்டத்தையே பாழாக்கிவிடும். அல்லது பராமரிப்பு செலவு கூடும். நிலத்தடி நீரையும் மாசுபடுத்தலாம்.
    • மழைநீரை நிலத்தடிக்கு இறக்கும்போது கடல்நீர் மட்டம் கருத்தில் கொள்ளப்படவேண்டும்.
    • பல்வேறு இடங்களில் மழைநீரை நிலத்தின் கீழ் செலுத்துவதே எமது ஊர் போன்ற இடங்களுக்கு பயன் தரக்கூடியது.

    எமது இந்த மழைநீர் சேகரிப்பு பற்றிய அலசல் இன்னும் விரிவாக்கப்பட இருக்கிறது. தங்களிடம் இது பற்றி ஏதும் மேலதிக கருத்துக்குள் இருந்தால் எமக்கு info@karainagar.org எனும் முகவரிக்கு தெரிவிக்கலாம்.


    நன்றி


    நிகழ்ச்சிகள்-Events

    Advertisement

    Please contact us on info@karainagar.org if you would like to advertise.

    Archives

    September 2021
    M T W T F S S
     12345
    6789101112
    13141516171819
    20212223242526
    27282930